E no medio, que non metade, da chamada Trama "retablo" - aquela na que o arquitecto do Xacobeo José Manuel Pichel presuntamente asignaba reformas e proxectos dos albergues no estilo de "repartir Galicia" ós seus amigos arquitectos e empresarios- apareceu o nome do gobernador Jorge I de Negreira.
A voltas coa piscina climatizada. Truno para o Pleno do Concello de A Baña
Como se do Arcanxo San Gabriel bíblico se tratara, aquel que con soltura anunciaba a unha sorprendida virxe María que ía a traer ó mundo ó fillo de Deus, o ar-canso e cansino da Baña, anuncia na viva voz do seu cuatrimileurista alcalde Andrés García Cardeso, que por fin, e como se dunha milagre semellante ó da virxe que foi nai se tratara, levarase para o pleno extraordinario bañés o manido, sobado e mullido tema da piscina climatizada barcalesa, que non será filla de Deus senon de dous... concellos.
O goberno de Negreira presume das obras deportivas
O goberno do Psoe de Negreira de Jorge I, ven de facer presunción de actividade lustrosa no eido lozano do deporte, e fai público o seu entusiasmo polo vistoso aspecto que despois das obras, locen os complexos deportivos da leal vila de Negreira.
Lembramos a Moisés como líder/guía dun éxodo de masas inxentes de xudeos cara a Palestina; A Terra Prometida nin máis nin menos -como cambian os tempos-... E temos na lembranza a tan célebre personaxe, por aquelo dos guías que dende o Xacobeo tentan mentar para a ilustración e amparo referencial no camiño ós individuos en ruta actual cara a terra menos prometida, e sen embargo máis concluinte, de Fisterra.
X. Amancio Liñares Giraut presenta dous novos libros migratorios
O fenómeno migratorio, tan históricamente vencellado a estas nosas terras de Barcala, volveu ser tema de actualidade literaria nestes días nos que o insigne barcalés X. Amancio Liñares Giraut -catedrático de Xeografía e Historia no IES Xulián Magariños de Negreira-, presentou en sociedade dous novos libros de temática migratoria; La emigración española a Europa en el siglo XX e Hijos y nietos de la emigración española. Las generaciones del retorno.
Hoxe toca... Festa da Xuventude de Barcala, a partir 23:00h
E chegou o día da primeira gran festa da tempada no Val de Barcala, a da Xuventude de Barcala que xa no seu día anunciamos na webera e que agora, no rizo da cita a nós mesmos, reproducimos.
Facendose forte na oposición, o grupo popular liderado por Juan Rey Maceiras, coma naquela mítica película de mamporros dos 80 que foi Yo, El halcón e na que un honorable camioneiro participaba nun interminable concurso de pulsos, mantén a presión muscular sobre o goberno nicrariense de Jorge Tuñas Caamaño, e fai conclusivo resume do que foi o pleno deste Martes de entroido pasado.
Asamblea do PSOE de Negreira: Consolidación de Jorge Tuñas e novo organigrama.
Novos tempos e aires de renovación chegan ata o Partido Socialista de Negreira, que, en Asamblea extraordinaria acordaron por unanimidade, consolidar o liderazgo do alcalde Jorge Tuñas Caamaño como punta de lanza socialista, recoñecéndolle o posto de Secretario Xeral que ata o de agora pertencía ó ex-alcalde nicrariense Juan García Fuentes.
A SGAE dalle a puntilla ó barcalés videoclube Travelling
No irremediable devir dos anos e o tempo, cadencioso cruel e inclemente como nada neste mundo, moitas son as ocasións nas que, co peito encollido, observamos as caídas dos mitos e as rendicións dos emblemas cos que cada un, no seu particular submundo da ialma, garda unha especial e propia relación amorosa.
Reflexións populares: Os 5 meses de Jorge Tuñas como alcalde
Con meridiana claridade e demoledora contundecia se presenta a reflexión que o Partido Popular de Negreira fai destos últimos 5 meses de alcaldía do Master and Commander nicrariense Jorge Tuñas Caamaño e que amablemente se nos fixo chegar ata a redacción de Valdebarcala.es.
Espectacular Entroido de Negreira e galería de fotos
Un ano máis, e baixo unha friaxe febreril que alentaba baixo a lozanía dun soleado día, tiveron lugar en Negreira os carnavais máis sorneiros e retranqueiros da provincia da Coruña e dos que Valdebarcala.es, no seu estilo de ollo avizor, vos trae unha pequena mostra de encaixe fotográfico barcalés para que os que estivéchedes lembredes a historia, e para os que non puderon por atoparse fora da terra, podan nembargantes sentir o enxebre ambente do mítico entroido barcalés.
Coma é costume nos febreiros barcaleses, o Entroido achégase ata o Val de Barcala para facer presenza da sorna e a lúdica troula máis necesaria que nunca para afrontar estos lastimosos tempos de implacable crise mundial.
Novo album e tempada para a nicrariense Orquesta Olympus
A Orquesta Olympus de Negreira, exitosa e espectacular como ela soa, un dos activos máis importantes desta nosa dinámica e ben musiqueira bisbarra barcalesa, ven de facer pública presentación do novo album da agrupación e que leva por xubilar título "Ó final do camiño", oportuno e estupendo nome para un album que moverá o éxito deste xacobino ano 2010.
Como xa comentábamos nesta webera do punto es barcalés, e facendo desta vez obviedade das ausencias, o certo é que de xustiza era tamén recoller protagonismo para os homenaxeados do pasado venres na cea popular: José Villar Pérez por 16 dignos anos de concelleiro e Manuel Suárez Quiñoy por 30 anos de popular militancia.
As ausencias son normalmente máis significativas que as presencias. Unha festa por todo o alto do PP de Negreira tivo lugar o pasado Venres no emblemático Hotel Tamara de Negreira. Unha cena rebosante de persoeiros do centro dereita barcalés e galego e que propuxo coma merecido mcguffin da xuntanza, a homenaxe á base da militancia popular, personificada nas figuras de José Villar Pérez e Manuel Suárez Quiñoy, quenes recibiron sendas placas.
Atras quedaban as nevadas de puntos e as imaxes dobles da analoxia televisiva, atrás e lonxe na noite da vangarda desaparecen as puntuacións flotantes que molestamente interferían no sinal dunha televisión anquilosada nos tempos e que só a cor lle otorgou avance no devir dos anos.
"E sen embargo móvese"... frase que di a rumoroloxía histórica que achantou o bo de Galileo cando a igrexa, baixo ameaza de morte, o mandou retractarse das suas tolas teorías heliocéntricas... "E sen embargo móvese" decimos nós tamén con respecto á gráfica que cada ano ilustra graciosamente o estado do censo na Baña, cada día máis deserta e cada ano mais tendenciosamente baleira en disonancia co entusiasmo gubernatil de autoproclama e fino actuar.
Por sorpresa chegaba ata a webera do punto es a nova do Festival MusicAula, un certamen de música Pop-Rock dirixido a xoves grupos de estudantes en Colexios e Institutos de toda esta pel de touro que chaman España -nestos tempos rasgada polas beiras-. O devandito festival está agora mesmo na fase de votación de 30 grupos representantes de 30 colexios e institutos que pasarán a semifinais e dos que tan só 6 pasarán á gran final do Festival en Madrid.
A Fundación do Banco Pastor doa 90 libros ó IES "Xulián Magariños"
Nestos malos tempos financieiros que sacuden con virulencia os cimentos vertebrados do noso sistema bancario, e co rebufo doutros espinosos temas no retrovisor, unha Fundación, a de Pedro Barrié de la Maza, exponencial referente solidario do Banco Pastor, coa Directora da sua sucursal nicrariense Sr. Dna. Sonia Silva Barcia á cabeza, ven de facer unha altruista e xenerosa doazón de 90 libros á biblioteca do IES Xulián Magariños, berce de cultura e sapiencia da xuventude barcalesa.
O barcalés Rubén Suárez abre unha nova ruta de barranquismo.
O noso estimado amigo e colaborador habitual de Valdebarcala.es, Rubén Suárez Carballo, a face barcalesa da aventura e o deporte de risco, volve a estar de actualidade deportiva neste noso fogar de Breogán ó ser quen de abrir ó mundo, e na compaña do seu amigo Arturo Pasantes, unha nova ruta de barranquismo en Galicia, aquela que se situa na zona da Ameixenda, no Concello de Cee.
Contaxiado por un latente e agresivo estado febril reconstructor, en Negreira o Partido Socialista mantén a teima de honra ás siglas, e coma obreiro apelido de grupo, as obras marcan os puntos suspensivos nos faceres do cotío. Así, unha febre de febreiro obreira coma a ordenatura, amanece entonando un canon de obras nos parques da vila.
Ler máis...(Comentarios 6)