Val de Barcala.es (A Baña e Negreira) a web do pobo barcalés

	NOVAS

Curiosidades

Cultura

Sociedade

Politica

Deportes

Empresas

	CONTIDOS

Servizos

Vídeos

Denuncias

Retallos de intrahistoria

Diario dun aventureiro barcalés

Lendas barcalesas de difícil verificación

Contáctanos

	OUTRAS WEBS DO VAL

Concello de Negreira

Concello de A Baña

Agrupación Socialista A Baña

Asociación de Filloas da Pedra

Clube de Tenis de Negreira

Orquesta Olympus

Quiero ciclismo

Clube Ciclista de Negreira

Kaña d´herbas

Molestons

Marmota Phil

Logrosa

A Charanga Mekánika

Festexos de Negreira

Negreira Veteranos

Carnaveleiros de Barcala

Os Pícaros de Barcala

O Blog de Javierinho

Asoc. Deportiva Nicrariense

Asoc. Empresarios Negreira

Indecisos

O blog de Rockin´13

O Blog de Rubén Suárez

El silencio de Mara

Asoc. Micolóxica Sendeiriña

Passupassion, O blog de Passu

IES "Xulián Magariños"

O Blog de Xan Solo

Jorge Castro Tieles

Ágora, O blog de M. L. Tuñas

	FOTOS DO VAL

	ARQUIVO

Retallos de intrahistoria barcalesa: Todas eran Carmiña

Acostumados coma nos ten Hollywood a pensar que todas as grandes historias teñen lugar nos Estados Unidos de América (ou no seu defecto no espacio exterior) moitas veces esquecemos que nas nosas cidades, nos nosos pobos e aldeas tamén aconteceron historias dignas de ser filmadas e narradas, dignas de ser coñecidas.

Por suposto, coma ben nos conta o noso querido amigo e historiador José Manuel López Tuñas cada vez que temos a agradable e aproveitable ocasión de falar con él, ou ben a través das visitas que facemos a cotío ao seu imprescindible e histórico blog Ágora (prazadocoton.blogspot.com), o Val de Barcala non podía ser menos.

Centos de historias relacionadas coa emigración, a guerra civil, a posguerra, a guerra mundial, escritores, poetas e en xeral cos acontecementos históricos do século XX, amén de curiosas historias particulares da nosa veciñanza, quedarían esquecidos para sempre se xente coma Manolo non adicara tempo e esforzo en recolleitar datos, fotografías e conversas para posteriormente organizalos e presentalos cunha narración fluída e amena, de moito interés para as xeracións máis xóvenes (e non tanto) barcalesas, de seguro ávidas de coñecer capítulos dos nosos paisanos antecesores, amigos e familiares. Historias que, por medo, por esquecemento ou inxenuo desinterés, non chegaron aos nosos oídos ata este momento.

Nesta ocasión, Manolo cédenos amablemente unha das máis recentes historias que publicou no seu blog, as aventuras e desventuras de Carmiña Temprano que, por amor a José María botouse ao monte escapando do acoso e derribo que o bando franquista, logo do golpe de estado, someteu aos Foucellas en Galicia.

Non perdades ocasión nin detalle, pulsando no recoñecido ler máis de abaixo, desta barcalesa historia digna dunha superproducción americana.

Ler máis...(Comentarios 1)

Reciclaxe dun sobre electoral

O noso curioso Val non deixa de ofrecer novas día tras día. Algunhas relevantes de ámbito político. Outras, de interesantes actos culturais e sociais. Pero de vez en cando tamén chegan á redacción desta web aconteceres sinxelos da vida cotiá dos nosos veciños que nós consideramos non menos importantes que as celebracións de plenos, festas, eventos deportivos, etc, pois son esas pequenas cousas as que nos definen coma pobo.

Así, onte chegou azarosamente ás nosas máns unha mostra da capacidade de reciclaxe que os veciños do Val de Barcala posúen xenéticamente.

Como se pode ver na foto, unha nota recomendatoria ao que supoñemos un familiar, veciño ou amigo, foi escrita nun ata ese momento desperdiciado e reservado sobre das Eleccións ás Cortes Xerais para o Senado do ano 2008.

Pode soar a demagoxia inxenua, pero ás veces gústanos imaxinar que nunca un sobre destas características e función electora foi mellor empregado que nesta ocasión.

Agardamos de corazón que as plantas non secaran!

Ler máis...(Comentarios 0)

O curso 2010/11 da Escola Municipal de Música. Inscripción ata o 17 de Setembro

Terras barcalesas de musicais tons de verde orballo tinguidos, arrebatador son de acompasados regatos miúdos e frondosidade de ramas axitadas en asincopados movementos... composición da sintonía de natureza barcalesa, o maior prodixio musical da Galicia interior.

Namentres a ilusionante plataforma Máis Música! seguirá movilizándose neste curso para dotar por fin á comarca dun conservatorio profesional de música que faga medrar cultural e socialmente á bisbarra, ata o 17 de Setembro, feira medieval mediante e víspera da paella xigante, está aberto o prazo para a inscripción no curso 2010-2011 da Escola de Música Municipal de Negreira.

Ler máis...(Comentarios 4)

Nota do Concello de Negreira. Unha histórica feira do románico para próximo fin de semán.

Perante esta complexa semán de volta ás obrigas para moitos agostinos ociosos, que retoman coa resignación do barcalés as costumes da faena -e que non falte-, e como premio de mellor pasar a enxundia e o mal da depresión post-vacacional, nada mellor que a troula e a festa que dende o horizonte laboral, se vislumbra na liña rexoubeira do fin de semán.

Fin de semán de románicas xoldas na IV edición da Feira do Románico de Negreira.

E para máis entender de qué vai a constar esta edición de castelos máxicos, pasarúas constantes, contacontos, bodas románicas, canes, queimadas e pócimas milagreiras, nada máis tes que ler a nota de prensa que se nos fixo chegar dende o Concello de Negreira e que está ó alcance dun sinxelo click no ler máis de abaixo.

Ler máis...(Comentarios 1)

O ceo sobre as herbas... O lamentable estado do local parroquial xestionado por Cáritas

O local chamado de Cáritas en Negreira, un dos inmobles máis emblemáticos e históricos da vila pola significancia histórica do seu nacemento, pois foi o berce oficinar da locomotora económica da zona que é Feiraco, durme sen embargo na actualidade o sono do esquecemento e permanece nun lamentable estado ruinoso, abandonado de feito pola entidade que parece controlar o local: A Conferencia Episcopal...

Querendo decir, Cáritas.

Efectivamente, nesta singular edificación para o standar arquitectónico da zona de Vilachán, foi onde naceu a maquinaria intelectual do xigante do cooperativismo agrario galego de Feiraco. O edificio, nembargantes, unha vez trasladadas as oficinas a carón da fábrica en Pontemaceira, foi donado á parroquia de Negreira a través da entidade sen ánimo de lucro, Cáritas.

E sen ánimo nin de lucro nin de molestar a ninguén, pero coa desazón dos barcaleses que miramos... dende esta inqueda webera do pobo, -auga que quere mover o rodicio sen miramentos nen padriños-, non podíamos pasar máis tempo sen manifestar abertamente o desencanto polo aspecto do inmoble que é... pero que representa ó mesmo tempo...

Cáritas, -e nos perdoe aquel poder espiritual ou temporal que vexa ousada blasfema-, ente caritativo e devoto da solidaridade, non amosa sen embargo deferencia algunha pola parroquia de Negreira, entelequia propietaria, -ata onde sabemos- do local, e mantén o inmoble, que debería de ser emblema da vila, en ruina técnica coa complicidade, -esto tamén é importante- de quen teña as cartas gañadoras...

Ventás escachadas, herbas avellentadas no tellado, paredes húmidas, musgosas... mugre en puntilla de deterioro superficial...

Laberinto -”sen luz nen viño tinto”... que cantaba Sabina- de sabe Deus -novamente solitando condonación da aberración- qué historias... o único certo é o impropio estado, á vista de calquera inspección minimamente dilixente, do inmoble.

Cáritas/Conferencia Episcopal -tanto ten-, que solicita donacións dos pobos e onde Negreira non é excepción... ¿pero con qué dignidade pode solicitar aportacións ó pobo de Negreira que é testemuña do trato que o ente lle dispensa a un dos inmobles máis esencialmente dignos da vila?...

Ler máis...(Comentarios 3)